【A&M Diary】每次鋸扒，如果有飯、意粉同薯菜，你會點揀？唔洗諗，我就一定揀薯菜！嚟到銅鑼灣嘅Supreme Steak & Grill，餐廳作為一間扒房，除咗出品高質嘅扒之外，晚餐仲可以任食薯條，非常滿足！
薯條
Supreme Steak & Grill嘅薯條幼身，所以特別香脆，估唔到任食嘅薯條一啲都唔馬虎，值得一再encore！
安格斯級封門柳
揀咗三成熟嘅封門柳，牛味香濃而本身帶有淡淡嘅黑椒味，加上少少鹽調味，肉味更凸出。如果重口味，可以加埋個黑椒汁，加重黑椒嘅香味，更為濃郁。
烤比目魚扒配阿根廷香草醬
魚皮煎到脆卜卜，鎖住咗魚油，令魚肉非常之綿，達到外脆內軟嘅效果。可以配上阿根廷香草醬或蒸魚豉油，其中阿根廷香草醬，非常清新，令魚油非常豐富嘅比目魚，減低油膩感，達到另一個層次。
