【Now新聞台】截至早上11點，1小時內《彭博》用戶關注度上升最多的港股，依次為中國鋁業、佳兆業集團、李寧、中煤能源、兗州煤業。
中鋁業前日出咗業績，第3季多賺逾4倍，係近8年最好嘅業績。不過，今日商品價格跌，中鋁跟埋其他資源股全線回軟，半日跌7%，報4.65元，跌至1個月低位。
耀才證券研究部經理譚智樂認為，近期中鋁股價跌唔停，主要受內地「限電限產」政策拖累，即使鋁價繼續升，業績都未必跟得足，加上鋁價9月衝上每噸3000美元嘅13年新高，只係市場擔心幾內亞內亂會影響生產及供應，但實情係冇乜影響，所以鋁價冇乜上升動力。不過，Arnold話，揸住中鋁嘅投資者未至於要止蝕，只係短線焗住坐艇。
