【Now新聞台】截至早上11點，1小時內《彭博》用戶關注度上升最多的港股，依次為中國宏橋﹑江西銅業﹑中國石油，五礦資源及中國鋁業。
油價、基本金屬價格噚日全線急挫，今朝內地商品期貨都要跌，中港石油、有色金屬板塊亦大冧，市場係咪質疑大宗商品所謂「超級周期」前景？還是加密貨幣斬倉潮引發嘅連鎖效應？
富昌證券聯席董事譚朗蔚認為，加密貨幣嘅「幣災」或導致跨資產互動，令投資者要喺其他資產套現。至於點解資源板塊拆倉，原因係呢個板塊之前已經有利淡因素，今日呢幾隻關注度最高嘅股份，都係中資礦產、有色金屬相關股，内地商品期貨交易所上星期尾因中央擔心商品期貨炒過龍熱，做咗幾項調整，包括控制孖展保證金、收緊跌停機制等，唔排除因為咁打擊投資氣氛。
