【Now新聞台】截至早上11點止，《彭博》Top Search No.1為港鐵，第2至第5位為信和置業、領展房產基金、九倉置業及新鴻基地產。
市場擔心港版國安法審議，今早信置、領展、九倉，港鐵同新地，都喺藍籌十大跌幅榜之內，其中領展今早低見62.3元，失守三月低位62.65元，創逾兩年低位。不過佢嘅股息率升到4厘半以上，面對局勢不穩，用股息率衡量領展投資價值係咪仲合適？
大華繼顯執行董事梁偉源就指，領展喺以上五隻股份中，股息率第二低，但佢提醒，睇地產股唔可以單睇息率，仲要考慮埋公司業務，佢認為，領展業務與民生相關，即使喺疫情影響下，商場仍保持到一定人流，租金下調壓力不大，投資者都可以考慮吓……
