【Now新聞台】截至早上11點，《彭博》Top Search No.1 為華潤置地，第2至第5位為東亞銀行、富力地產、中石油及康希諾生物。
講內房落後，潤地都唔及得富力，今年以來股價跌超過30%。睇返恒生綜合地產建築分類指數，富力喺約90隻股份中排尾三，比一眾本港房託更差。股份暫時有力連升到第三日，上試50天線，反彈空間有幾大？
京華山一國際研究部主管彭偉新指，近期比較少資金入內房股，反而係鍾情內房物管股。有資金鍾意追入富力，佢認為都只係見其他內房股都升咗，博佢追落後。但呢刻，當大內房股都升唔耐嘅時候，市場就更加睇淡富力。彭偉新估計，富力技術上短期內都唔會有一個強勁嘅突破，唔排除有機會仲要向市場伸手……
