【Now新聞台】截至早上11點止，《彭博》Top Search No.1 為小米集團，第2位至第5位分別為華潤啤酒、信義光能、中國海外發展及合景泰富。
小米横行超過一個月後，股價上返11元見近兩個月高位，今早有突破一度升8%，升幅係1月底以嚟最大。有消息指，小米喺五一假期期間銷售額按年升13%，加上今日喺印度有發布會，預料會公布USB電視產品。
大華繼顯執行董事梁偉源指，以國內五一銷售額嚟睇，小米係配合返內地嘅5G發展，因為當中逾一半銷售產品與5G相關，相信小米喺未來5G手機市場上有一定嘅競爭力。另外，今次印度發布會上會有啲亮麗嘅產品，例如USB電視，即係只要將USB連接至傳統電視上，就可以上網睇唔同嘅節目。Steven認為，經過今次疫情後，相信大家喺生活上會更依賴上網，而依家有呢類輕巧方便嘅產品能增加小米突圍而出嘅機會。
