【Now新聞台】截至早上11點，《彭博》Top Search No.1 為長實集團，第2至第5位為聯想集團、微盟集團、海隆控股及恒基地產。
微盟集團上日升13%見7元創新高，今日進一步強勢最多升7%，股價暫時已連升到第6個月，今個月升約兩成。股價已破券商平均目標6.45元，最樂觀嘅富瑞睇8.3元，微盟仲可以上望邊個位？
耀才證券研究部副經理譚智樂認為，始終內地嚟緊都推行智慧城市，佢哋其中一項業務營銷雲，未來都會係一個大趨勢，前景唔會太差。但擔心嘅就係公司值唔值咁高估值，或者估值仲有冇條件去提升。現時睇，佢估股價都仲有10%潛在升幅，但始終公司市盈率由40倍到50倍，建議股價去到8元位置，投資者就要審慎少少‥‥
