【Now新聞台】截至早上11時止，《彭博》Top Search No.1為新鴻基地產，第2位至第5位分別為中芯國際、中石化、海螺水泥、中遠海能。
中芯公布科創板上市計劃，股價一度升12%，挑戰超過兩年最大嘅單日升幅。高盛睇好中芯隨住12及14納米芯片收入貢獻比例提升，與同業折讓可以收窄。借A股上市計劃進一步推高股價，中芯有無機上到二月高位17.92元？
安山資本資產管理部董事黃志陽就認為，芯片國產化都有利中芯嘅估值，今年第一季都有業績嘅好消息出嚟，加上佢係內地政府推薦嘅公司製造晶片，集合咗天時地利人和，公司前景幾樂觀。但要破頂，就好睇會唔會再有內地政策扶持，先可以再更上一層樓。
