【Now新聞台】【Now財經台】截至早上11時止，《彭博》系統Top Search No.1為蒙牛乳業，第2至第5位依次為平安好醫生、中國恒大、新鴻基地產、中國平安。
港股第四季至今累升6%，以升幅計係環球股市前列，但今年以嚟只係升咗7%，大幅跑輸歐美、區內股市。
涵蓋49個已發展同新興市場嘅MSCI所有國家指數，11個行業分類中，以資訊科技表現最好，今年升咗34%，大幅跑贏第2位升22%嘅工業，同埋第3位升21%嘅非必需消費。至於美股標普500嘅資訊科技類指數今年升咗37%，有機會係十年以嚟表現最好嘅一年，預測市盈率(PE)升至逾21倍，係2007年以來最高水平。
