【Now新聞台】截至早上11時止，《彭博》Top Search No.1為華潤置地，第2位至第5位為瑞聲科技、李寧、中國人壽、永利澳門。
中美貿易談判似乎進展唔錯，但港股都係唔識升，藍籌潤地突然宣布開抽水機，係咪代表大市已經見頂，會唔會引爆內房配股潮？
美銀美林出咗份報告，列出高危內房三大「特徵」，即係可能有集資動作，分別係高負債、高市帳率(PB)高於1倍、大股東係咪揸住控股權，暫時仲未有內房股有晒三個「特徵」，但中國奧園(03883)、龍湖集團(00960)已經有中兩個。不過，評估內房股走勢時，仲要留意嚟緊政治局會議會嘅樓市政策。
