【Now新聞台】【Now財經台】截至早上11時止，《彭博》系統Top Search No.1為融創中國(01918)，第2至第5位依次為港交所(00388)、時代中國(01233)、藥明生物(02269)、建設銀行(00939)。
內房近排頻頻發債，但富瑞估計，內房10月銷售增長會創今年月度新高，早前擔心嘅融資問題係咪已經解決？
騰祺基金管理投資管理董事沈慶洪指，早排內房股調整得比較深，係因為市場擔心融資問題，但見到銷售有改善，市場嘅憂慮都少咗。
Patrick又話，美國啱啱減息，所以發美元債可能有著數，而中美可以傾掂數，喺美元轉弱人仔轉強下，內房還債能力會更強，呢啲因素都成為炒作內房股嘅催化劑。
