【Now新聞台】截至早上11點，《彭博》系統TOP SEARCH NO.1是中國中鐵，第2至第5位依次為中國鐵建、萬州國際、瑞聲科技及中國交通建設。
噚日A股單日大升近6%，唔少內地股民都即刻聯想「大時代」係咪要重臨呢？睇返滬深300指數單日變動，減去恒生指數單日變動表現，就會發現對上一次出現咁大差距，正正就係2015年8月底嘅時候。
不過，如果比較2014至2015年同依家，當時A股兩融餘額同上證綜合指數齊齊炒高，兩融餘額更超過2.2萬億人民幣，反觀近期A股反彈，但兩融餘額又追不上，顯示散戶入市氣氛都未算瘋狂。
