【Now新聞台】截至早上11點，《彭博》系統Top Search No.1是聯想集團，第2至第5位依次為恒基地產、國泰航空、兗州煤業股份及中國神華。
聯想同國泰先後被剔出恒生指數藍籌股，但最近都齊齊翻身，一隻扭虧為盈、另一隻就發盈喜。騰祺基金管理投資管理董事沈慶洪話，聯想同國泰業績表現好轉，加上大市升返上嚟，令市場目光投放返喺啲業績有改善嘅落後股份。
另外恒生指數公司今日收市後將公布季度成分股檢討結果，Patrick話，如果有股份被剔走而股價下挫，又見到有關公司未來前景會改善，投資者可視為買入時機。
