【Viu】任達華、內地小生此沙、Amy Lo盧慧敏、張兆輝、徐偉棟、朱天、導演孔令政今晚現身新片首映禮,主角古天樂因工作缺席,但都拍片打招呼。電影早喺1號已喺內地上映,但有傳票房截至今日僅得444萬人民幣,只上映5日就宣布即時撤檔,今晚眾演員都避談,並由工作人員出面指唔回應問題。
導演被問到係咪私下有出錢投資,所以可被古生、華哥及謝君豪等影帝群星拱照?佢笑指全靠美色,又謙稱堅係冇錢,如果有都唔介意拎出嚟!佢同華哥、輝哥都承認影視寒冬,唯有同行互相幫助。輝哥又爆華哥喺拍攝現場常萬歲菠蘿包、奶茶。導演又感激眾演員着住大褸喺焗到爆嘅密室拍攝都毫無怨言兼表現專業。
而此沙直言面對一眾童年偶像前輩感壓力但幸福,更有滿滿成就感。咁聽唔聽得明古生嘅「港普」?佢又激讚古生少說話多做事超低調,喺佢老家四川起學校都唔會公開。Amy就表示好後悔冇喺現場瘋狂集郵喇!想知更多就睇片啦!
