【Viu】天王郭富城上月尾第三度做爸爸之後，今晚首現身公開活動，孖吳鎮宇、方信中、周勵淇、湯怡、導演麥兆輝等為電影《內幕》首映禮造勢！一講起三寶，城城就秒現慈父樣，冧豬話好享受再湊new born，就算每日做嘢幾辛苦，一見到BB就被融化，揚言：「咩都值得呀！」而鎮宇都認同湊new born好正，唔知佢又掛唔掛住抱B嘅感覺？
城城透露三寶叫Cheryl郭詠心，英文名同兩位家姐都係以「C」字開頭！佢指兩位家姐雖然未能幫手湊B，但會以行動嚟「錫」個妹，女神之家充滿愛呀！城城會唔會再追多個B？對老婆方媛產後極速修身成功現身其「登六」生日會，城城點答? 講返電影，兩位影帝事隔25年再合作，雙方一致認為大家都成熟咗，更有默契！提到城城喺戲中飾演跆拳道教練，咁咪有好多動作場口？有冇同另一拍檔任達華「激戰」先？鎮宇即刻大讚華哥日前個華麗轉身勁好身手，指對方之前踢波係守龍門，所以咁碌得！佢又抵死笑話華哥可能係專登跌，兼猜測琦琦退後一步都係有原因，咁係點解呢？
另外，63歲嘅鎮宇自爆搭2蚊巴士險被趕落車，呢單嘢又有咩內幕？被年輕車長challenge未夠60歲勁沾沾？呢份沾沾更感染到啱啱60歲嘅城城，啱啱合資格攞樂悠咭嘅佢興奮話未攞，又係咁問鎮宇好唔好用？真係畀佢哋笑死呀！唔知城城到時樂悠咭到手，會唔會即刻去搭巴士再selfie？想知就嗱嗱臨睇片啦！
