【Viu】Lokman楊樂文、Ashley林愷鈴、監製朱淑儀、導演黃偉傑同編審何靜怡日前去《爆谷一周》宣傳新劇《地獄大狀》，Lokman同Ashley直言最難忘係地獄場景真係好「地獄」，密不透風，焗到底褲都濕埋不特止，Ashley首日開地獄景就當場暈倒，真係付出好多㗎！Lokman就笑認訓練有素，事關MIRROR長期夏天著冬天衫，心靜自然涼喎！講到今次繼《繩角》後再合作，Lokman直言今次見識到Ashley嘅「音波功」；Ashley都直認律師角色挑戰大呀！除咗拍劇，Ashley仲請咗Lokman做新歌MV男主角，成功得到文哥嘅第一次，呢單嘢要請食飯啦！
此外，監製朱淑儀、導演黃偉傑同編審何靜怡都有分享劇本創作過程同選角安排，仲爆杜琪峯突擊探班講啲乜，以及親自為《地獄大狀》加插咗一個重要元素，想知就睇足本訪問啦！
