【Viu】Jan林海峰、彭秀慧、李尚正同Kay蔡蕙琪今日出席舞台劇《內有惡戀》記者會，Jan唔止喺台上猛讚彭導靚女，訪問途中又繼續讚，仲話擔心自己冇辦法同佢鬧交添！不過，Jan自爆原本想推Job，事關彭導喺3年前已經搵佢傾，諗吓Hea覆就可以不了了之，點知最後傾出興趣來，仲決定加入創作，笑認推Job變接Job。笑問係咪因為彭導同太太彭羚「同姓三分親」，Jan當然成功拆局啦，仲話全家都係正爺節目嘅Fans，又叫正爺邀請妹姐加入，有得諗喎！講到日前完成悉尼馬拉松，成為「七星跑手」，佢就用做訪問嚟比喻跑馬拉松，仲無啦啦自爆凌晨3點要起身屙夜尿添，笑爆全場呀！至於黃偉文早前po咗彭羚合照，令網友再度高呼「釋放彭羚」，Jan繼續神回，咁好笑得唔得㗎？
此外，彭導分享偶像Jan嘅暖心事件簿，聽到都冧豬；Kay就直認怕Jan多過怕彭導，想知就睇足本訪問啦！
