【Viu】賀歲片《金多寶》喺今日情人節首日上畫，即收168萬，勁好意頭呀！導演翁子光率領一眾主演Edan@MIRROR、鍾雪瑩、金燕玲、李尚正、「蝦頭」楊詩敏出動，馬拉松式謝票謝足20場！金姐姐話都未試過謝咁多場，更托Edan福突然多咗勁多位爵屎「孫女」！
一向以命案為拍攝題材嘅翁導，則笑話未試過謝票見到咁多小朋友，直頭係覺得好陌生呀！蝦頭透露之後仲有寵物場，參演嘅狗狗Caski搵埋班friend一齊睇戲，演員們又會唔會帶埋自己嘅寶貝？
Edan指屋企人一早就睇咗，諗住會再舉家二刷，想以觀眾嘅角度細味！妹妹小如豬覺得佢個土豪look如何？Edan笑話最印象深刻係首映嗰陣，聽到小如豬同花姐評游水副body「呃到吓人」，莫非勁過《I SWIM》？
《金多寶》主題曲《萬幸》由Edan主唱、雪雪同正爺聯合填詞，蝦頭爆料阿正曾因為「唔啱音」被雪雪彈鐘，SLDPK！鍾雪又改過正爺啲咩詞？不過翁導就勁收貨，高度大讚呢首歌結合唔同generation！正爺揚言如果票房成績好，會諗吓推《萬幸》惡搞版，而翁導就話可以有加長版，加場游水嗰part，好吸引喎！
另外，翁導終極爆搵Lokman飾年輕版正爺嘅原因！唔知謝票嗰陣有冇機會見到Lokman同飾演年輕版蝦頭嘅Candy？Edan又點回應最近被老best Ryan「搶飯碗」狂唱Annual Dinner？想知就去片啦！
