【MOBILE】Chilam張智霖昨日（26日）出席月餅活動，吸引大批Fans冒雨捧場，仲冧認設計心形老婆月餅時係諗住靚靚太太袁詠儀，求生意識Max呀！適逢Chilam聽日55歲生日，佢高呼最想約朋友打台灣牌，又沾沾話自己係去年嘅冠軍，今年就輸緊錢，但笑著婉拒透露老Best郭富城嘅排名，好盞鬼囉！Chilam又話靚靚已經戒咗打牌同買包包，反而沉迷睇劇，而阿仔「魔童」張慕童喺打牌方面亦冇乜「錢途」喎！
既然講到魔童，Chilam都大方分享喺廣州站演唱會父子同台演出嘅感受，大讚阿仔淡定似自己，喺台上斷咗結他弦都識執生。咦？咁靚樣又係似邊個呢？係咪似靚靚喺《金枝玉葉》嘅經典角色「林子穎」呢？Chilam就幽默回應喇！再笑指魔童令全城姐姐心心眼，即將榮升「全民老爺」嘅Chilam都有回應喎！想知就睇足本訪問啦！
