【Viu】娛樂圈模範夫妻Chilam張智霖、「靚靚」袁詠儀，今日孖住上做代言搵真銀，仲齊齊以全白look現身，簡直係襯到絕一絕呀！呢兩公婆喺做訪問嗰陣全程耍花槍大放笑彈，講講吓靚靚仲忍唔住笑到喊添！
令佢哋爆笑嘅話題就係大談雙方嘅「品味」，雖然靚靚同Chilam話一齊咗咁耐，着衫嘅taste都變得相似，囝囝魔童更係同Chilam share衫着！不過，靚靚就乘機「控訴」Chilam成日挑戰佢嘅品味底線，因為話老公成日着到啲色鬼五馬六！
之後講起靚靚、Chilam就快輪住生日，問到佢哋曾經互送過啲咩深刻嘅禮物？Chilam就指有年送過一件衫畀靚靚，繼而被老婆投訴！靚靚即場嚟個絕地大反擊，當眾扯高老公條褲，揭示Chilam今日衣着「炒車」item，搞到Chilam係咁嗌唔好，真係笑死無命賠！
眾所周知靚靚超鍾意包包，但佢竟然話今年生日唔收包包，一家人食餐飯就心滿意足，係咪set咗個「陷阱」畀Chilam？最近靚靚飛咗馬來西亞拍戲，戲中飾演中女意外懷孕，現實中又會唔會有呢個「意外」？大爆18歲嘅魔童想拍拖？Chilam有冇過兩招溝女招數畀囝囝？即刻睇足本訪問笑餐飽！
