【Viu】袁詠儀、Jennifer余香凝、李佳芯、「小野」盧鎮業、狄龍、米雪、陸駿光等主演嘅電影《慾望寄生》今日開鏡拜神。兩代影后袁靚靚、Jennifer演銀行財務部上司下屬兼老best，Jennifer怕醜話勁開心但唔敢向前輩示愛。靚靚就爆老公張智霖嚟探過一次班，但冇買手信兼食咗一盒crew飯就拍拍籮柚走人，笑C！靚靚更大讚Jennifer拍戲用心兼演技好，有影后前輩認證，Jennifer今晚仲瞓得着咩？
演警察嘅Ali同「落難草根」小野就第一次合作，Ali開心同一眾前輩偷師，但就唔敢講「我細細個就睇你」，巧襟撈呢！不過佢個角色可以「兇」靚靚，暗爽咗！小野為角色留鬚，但佢話最近同Fish天各一方好耐冇溝通，唔知女友鍾唔鍾意？演Jennifer老公嘅小野就笑稱係「規矩」兩公婆，發乎情止乎禮唔錫嘴嘅！
另外多年冇合作嘅狄龍、米雪今次演父女，79歲龍哥大方話唔介意孖70歲雪姐演「忘年戀」情侶：「話我老牛食嫩草都得㗎！」巧風趣呀！龍哥仲即場表演法文，又謙虛認老，為防電騙，平日連手提電話都唔用，所有事交俾太太陶敏明把關！雪姐個角色常俾銀行職員游說投資，佢就寄語不義之財不可貪，唔識要問呀！仲等咩！快啲入嚟睇訪問啦！
