【Viu】4位唱將女神Stephy鄧麗欣、Cloud雲浩影、Feanna黃淑蔓、Amy Lo盧慧敏昨晚（23日）喺會展合體開騷，一次過滿足fans嘅視、聽覺享受！4女夾定黑色dress code，女人味滿瀉！打頭陣晒靚聲嘅有Amy Lo，化身暗黑扯線木偶獻唱《黑繩》！
兩位才女Cloud、Feanna咁啱都係揀選樂器自彈自唱晒指功，前者以鋼琴帶嚟《我們還有幾多時間》，坐住喺度飆高音簡直係a piece of cake；後者則與同門師弟Lester藍亦特彈結他唱吳雨霏嘅《二十世紀少年》，Feanna唱前高呼好緊張，但一入歌就放飛自我，仲向台下觀眾揮手帶動氣氛添！之後Feanna再出場唱《華富一號》，獲全場掌聲！Stephy露背坐「窗邊」唱《仍留在這裏》，呢個S曲線超火辣！
去到尾聲，Stephy x Cloud x Feanna小組合唱鄭秀文嘅《我們都是這樣長大的》，之後孖Amy Lo同觀眾打招呼，Stephy搞笑話好開心可以同到3位「師姐」同台，4位女神仲即場以歡呼聲做民調定團名，候選團名分別有「四朵金花」、「Spectrum」、「音樂世家」，最後係邊個名跑出？最後4位女神以《我們的主題曲》作結，先去睇實況片聽歌啦！
