【Viu】《IAN CHAN :GROWTH: LIVE 2026》今晚嚟到第四場，以「Dream Night」做主題，Ian喺演唱會Opening已經好夢幻，唱完第一Part已經嗌完場，同大家講Bye Bye，認真鬼馬！
既然係夢，梗係要調皮啲，直擊後台換衫時，Ian表情多多，臨尾仲嚟個單眼，又Cute又Hot得唔得㗎！其後Ian大談夢境，話發夢多數見到好多人，唔會自己一個，隨即請出特別嘉賓姜濤登場，「哥與弟」合唱《你要倔強》，全場尖叫！身為「迷弟」嘅姜濤是夜有備而來，除咗刻意以黑色造型配搭Ian嘅白馬王子Look，重現「死神CP」嘅經典造型，當然唔少得氹Ian齊齊講返句：「大家好！我哋係死神！」集體回憶返晒嚟呀！
此外，姜濤再度化名「陳生」，自爆鍾意Ian多過「姜生」，又笑言知道Ian嘅演唱會有「結婚」環節，所以特登帶埋人情嚟飲；Ian即高呼要即場拆人情，想知人情有幾錢？「哥與弟」有幾癡纏？兼且聽埋姜濤版嘅《另一個諾貝爾》，記得睇現實實況喇！
