【Viu】TGIF！ViuTV直播綜藝節目《8點直樂VIURIETY》 Play Hard Night搵嚟ERROR二子「美Dee」阿Dee、「肥斯」肥仔，同FC3成員Locker、陳家樂、灰熊、黃溢濠，仲有螢花成員Chloe So、Maggie、Kylie C.互相battle，個個變晒大細路咁玩到癲，SLDPK！
先講到「肥斯」肥仔喺喺《咕碌世界盃》環節使出「倒掛金鈎」、猶如鯉魚翻身咁嘅大絕，佢揚言自出娘胎就識，雖然到最後都未能成功入球，但就贏咗視覺效果！油王look嘅「美Dee」阿Dee自爆去咗現場睇世界盃，今朝先搭私人飛機返港，大家又信唔信？自封「阿燈廷」嘅佢又會唔會燈中阿根廷？佢同肥仔點做到徒手開蘋果？
新團歌《我們不分》搵Kay謝安琪合唱，點報答女神？阿Dee笑言可能個look太似張繼聰，爆張瞻叫咗佢聲「Daddy」，咁搞笑？阿Dee呢期密集式排練舞台劇同時，日前同《夜王》團隊撐Sammi啟德答謝會，大讚正到暈！肥仔則透露下半年會focus喺音樂，下星期開live唱歌、傾心事！
FC3喺《ERROR世界盃》環節主攻Chloe So，最終Chloe So被罰做波比波比跳！陳家樂爆同Chloe So有私仇，所以懷恨在心，究竟有咩內幕？Chloe So又點搶口反擊？雙方成功和解？FC3隊長Locker遲吓搞場FC3對螢花嘅友誼賽？嚟緊佢哋將合體對903DJ，有冇信心贏波先？
另外，Locker喺《答錯啫，阿媽家姐》爭啲答唔到Marf嘅問題，驚唔驚要跪玻璃？為男團PlayTime成員嘅黃溢濠，任Cloud新歌MV男主角久違獻舞，感覺如何？拖住女神對手驚變刀片？想知就去睇足本訪問啦！
