【Viu】Viu國際級原創劇集《THE SEASON》將於6月17日首播，今晚舉行首映禮！劇中一眾演員林嘉欣、Jessie Mei Li、Chris Pang吳育剛、Kōki,、Yvonne Chapman、吳嘉龍、盧靖姍、錢裕揚、李在允、Marf@COLLAR、Lyman等盛裝現身，介紹角色之餘仲率先嚟個劇透添！
林嘉欣同Kōki,「母女檔」先受訪，嘉欣high爆大讚囡囡又靚又乖又準時，而Kōki,亦表示嘉欣好照顧佢哋所有人，更形容嘉欣為太陽添！自稱「地膽」嘅嘉欣指有盡地主之誼推介唔少景點畀演員們去探索，仲專登去果欄買水果畀佢哋試食！Kōki, 最掛住邊幾款香港小食？
講到特別嘅場口，嘉欣話好surprise Kōki, 馬術了得，拍嗰陣以為係替身上陣，點知係Kōki, 本人！當事人Kōki, 就怕醜話雖然學咗騎馬幾年，但都係第一次用喺拍攝上，所以都有啲緊張！
Kōki, 仲話喺空閒期間去咗嘉欣嘅陶瓷studio整陶瓷，咁啱Marf都話想向嘉欣偷師，會唔會搞返個THE SEASON陶瓷班？呢「兩母女」仲互相學習對方嘅母語廣東話、日文，佢哋又學成點呢？嘉欣同「老公」Toby Stephens嘅錫錫戲有咩趣事？
Marf、Lyman異口同聲話好期待劇集播出，又不約而同表示主力拍嘅都係群戲，同多位國際級演員合作感覺新鮮，特別係發現佢哋喺休息時都keep住互動，覺得呢個工作環境好好！Marf今次演返自己，跳舞呢part令佢有安全感，相反Lyman就話有啲緊張，因為角色同本尊人設好唔同，所以都做咗好多準備！唔知佢哋最難忘嘅場口又係邊場？想知嘅就去片啦！
