【Viu】PCCW Media皇牌劇集《THE SEASON》卡士陣容集齊國際級演員加本地薑，未播已掀話題！當中焦點包括Kōki,飾演21歲嘅Alison Hext，係一名渴求家庭溫暖嘅純真少女。Kōki,話雖然劇集中藏兇殺謎團，但片場完全冇愁雲慘霧，佢仲話第一次同香港團隊合作「充滿歡樂同正能量」，仲自爆最期待係喺遊艇拍開場戲添。
而飾演Kōki,媽媽Fiona嘅林嘉欣，就話自己角色係「上流社會王后」，為咗維護家族乜都做得出。嘉欣爆笑話最初以為對手Toby Stephens好嚴肅，點知埋位後發現佢係「Mr. Bean混合Peppa Pig」嘅混合體，搞到佢成日忍唔住笑場。嘉欣仲爆料同「外籍老公」拍咀戲時，工作人員睇到都覺得「好唔慣」，皆因咀嘴聲「好響好大聲」喎！
至於《造星V》冠軍Lyman香胤宅，就飾演闊太群組嘅成員Sammy，一個鍾意靚嘢嘅同性戀者。佢笑言為咗角色專登請教朋友點樣拎手袋、擺甫士，搞到有時收工返屋企要喺老婆面前扮返Man。想知佢哋嘅拍攝趣事？記得睇足本訪問啦！
