【Viu】Marf@COLLAR完成首次個人演唱會後精靈受訪，自評表現有75分，但興奮程度有100分，仲直認唔夠喉，希望開Part 2，甚至去外國開騷，無論場地幾細都想試，當儲經驗自我增值，好識諗呀！Marf親解選唱軒公、方大同、祖兒同Avril Lavigne歌曲嘅原因，仲集氣軒公會欣賞改編版嘅《笑忘書》，之後會唱Marf Version添！Marf又話首唱嘅新歌《Run Run Rock》係兩屆《全民造星》冠軍嘅心血結晶，由自己同Teller共同寫Rap詞，希望快啲推出啦！
講到以COLLAR嘅《Home Run》作結，Marf當然係有用意啦，仲感謝好姊妹齊齊以銀色Dress Code現身，尤其係Gao幫自己剪bts，要請隊長再去旅行慰勞咁話！Marf又分享「玩爆你KB」嘅製作過程，仲話好驚KB會覆啅，想知就睇足本訪問啦！
