【Viu】強尼大哥、保錡@ERROR、Lyman、陳子豐、Kai Cheung今日為下星期啟播嘅全新綜藝節目《8點直樂VIURIETY》舉行拜神儀式！五子互笠高帽，猛話live show要向各位前輩學嘢，強尼大哥希望有爆肚嘢睇，又貪玩話想整蠱一下對手，咁佢想整蠱MIRROR抑或係Shirley？
肥仔同阿Dee曾預告會有個ERROR小劇場，劇本方面準備好未？保錡高度讚揚阿Dee係演技擔當，認證佢係男一嘅地位，咁佢自己又想做咩角色？Lyman諗定一堆潮語教大家？子豐、Kai Cheung則透露會練定歌，到時喺音樂live show上大展歌喉，或者會有Cantopop Disco添！
呢日見子豐一身運動look裝扮，原來佢孖強尼大哥、Lyman、Kai Cheung啱啱拍緊pickleball新節目，過嚟拜神前就係同明星隊比緊賽！佢哋仲自爆「生Dink」隊名，背後係有咩意思㗎呢？當中邊個係最好波？
強尼大哥最近就排緊舞台劇《大象的告別式2.0》，爆喺劇本上有好大改動，又指「Emo仔」Jeremy喺排練期間已經嚟料，但都會克制下情緒嘅！咁大哥之前話啲戲服會好sexy，fitting咗未？操肌嘅話可以問問保錡？保錡連續第二年參加健身盛事Hyrox比賽，滿唔滿意最終成績？向公司爭取搞個Hyrox綜藝節目？佢哋又搞笑數三大「中年危機運動」，想知係邊三項就睇片啦！
