【Viu】佘詩曼今日一身吊帶裙出席珠寶活動，佢話呢條裙係佢可以接受嘅性感，前一晚食生日飯時，都要提一提自己唔好食咁多以免有胃腩！講到嚟緊28號就51歲生日，阿佘話都係同朋友食吓飯慶祝，之前兩年都係拍劇過，加上有啲朋友係一年先見得一、兩次，所以約食生日飯係好重要可以交換吓近況！
至於日前去睇農夫演唱會，佢話同黃子華係撞到，大家有段時間冇見，當然好開心可以撞返傾吓偈啦，佢都有留意網上話佢同子華一齊係回憶殺，佢都好想再有合作機會！阿佘話有同農夫講，佢哋醫好咗自己嘅草蜢演唱會完騷失落後遺症！快啲睇足本訪問啦！
