【Viu】MC張天賦宣布嚟緊7月二度踏上紅館舞台，加場後暫定5場，MC直言連唱5場係破咗佢個紀錄呀！基於MC上次開紅館騷壓力大到事後陷入低潮期，突然對唱歌失去興趣，重返同一舞台個心態有咩轉變？定係會有心理陰影？MC當年用咗幾耐時間建立返個自信心？
呢次紅館騷繼續都係四面台，MC透露個騷係一個兩極化嘅主題，未必好似上一次有個busking section咁貼地，偏戲劇、偏離地、又偏科幻少少咁！唯一firm嘅係視覺效果會係幾正，呢個「視覺效果」係形容舞台定係抑或係body先？MC又開心share呢期跑步嘅「成果」添，睇佢笑到咁得戚，就知有料啦！
至於有關歌嘅方面，最近見MC仲有以另一個名「Emz」出歌，呢個身份又係幾時衍生出嚟？MC喺面嗰層分咗兩個人格出嚟，私下嘅佢係咪都一樣？佢自爆私下非常享受孤獨，唔知MC做過最最最孤獨嘅事係咩？會唔會係一個人去睇演唱會？講得興起之際，MC再自爆出街食飯會喬裝，搞笑話係一個極肉酸嘅路人look，係咪好想知係咩look呢？另外，MC仲冧談媽咪喺佢每次開騷前都會必做一件窩心事，真係有媽的孩子像個寶呀！
