【Viu】MC張天賦今晚孖Billy Choi合體現身《CHILL CLUB》錄影，二人一見面就互相打量身高，真係畀佢哋笑爆嘴！當然要問問佢哋有冇喺鞋入面做「手腳」啦，MC笑言攝咗啲「底氣」、而Billy就笑答加咗0.5呎嘅「自信」，咁仲係咪168.5咁高先？張三歲同蔡三歲會唔會為新歌搞快閃宣傳？例如係周街度高度、叫人除鞋？
MC講到今次唱CC係首次有傳媒兼疫情後再有觀眾，同Billy預告會cover一首未唱過嘅歌！呢對168.5巴打仲有冇合作機會？下次會以咩size做主題？體重、胸肌有冇得諗？
《168.5》MV搵嚟香港拳壇名將曹星如參演，MC表示好surprise，大讚曹星如好nice，又自爆曾學過幾堂泰拳減肥，但上完2、3堂就發生意外冇再上啦！Billy則笑謂拍MV嗰陣有同曹星如過兩招，但被對方秒殺就知零天份！唔知Billy keep唔keep到開騷嗰陣副爆肌body？
嚟緊MC喺月尾就過大海開騷，重提佢喺年頭立flag話開騷騷肌，都嚟到2025年年尾，會唔會就係喺呢次將肌肉解鎖？打機、唱school tour有助減脂？曾揚言唔會再立flag嘅MC，竟然自打嘴巴再立flag，究竟係咩flag？唔睇足本訪問就唔會知啦，快啲click入嚟睇片啦！
