【Viu】2026年拉闊重新啟動！首場拉闊搵嚟三位新世代、同為三十歲以下嘅MC張天賦 x CONSTANCE x Gareth.T，齊齊大唱情歌，嚟個Gen Z世代愛情觀之夜！啱啱29歲嘅MC壓線參與，佢搞笑解釋係心境年輕，自認係張三歲！當問到3位會唔會為此騷寫首歌，MC就拋個波畀Gareth啦！
記招期間，唔少fans公開爭取3位跳舞，MC更爆包包跳開非洲舞，唔知佢哋會唔會實現fans嘅心願？至於rundown方面，佢哋就話未開會傾，不過包包就自薦唱MC首《168.5》，點解呢？唔知佢會唔會揀Daddy陳奕迅嘅歌？Gareth又會唔會cover黃百鳴cover佢嘅《用背脊唱情歌》version？佢感謝百鳴歌鍾意佢首歌，comment係「都dope」！到時着兩條褲唱？
倒帶去返叱咤，Gareth攞至尊金曲嗰陣，講咗句「多謝曾經心碎令我寫到呢首歌」，係咪對坐喺台下嘅Moon Tang講？Gareth先扮話唔記得講過，然後就笑笑口，係咩意思呢？當日佢着嘅嗰件歌詞褸可以出周邊？MC聽到呢度，即刻sell咗條發達大計出嚟，仲諗埋可以出底褲添，佢係咪做model先？另外，包包攞咗個女新人金，返到屋企堅係有同Daddy炫耀？Gareth生日點過？嚟緊有出碟計劃？想知就去睇足本訪問啦！
