【Viu】《Hi MIRO! Garden Party 2026》今日有姜濤壓軸登場，適逢今日母親節，姜Admin首先祝大家母親節快樂，仲話特登著透視花花西裝嚟配合派花主題，又搞Gag話：「好彩我入面著咗底衫，真係透㗎！」笑Cry！期間姜濤同Fans大玩遊戲，仲跪地獻唱《夏日傾情》陪姜家人畫畫，又送出珍藏波衫、籃球、台灣買嘅帽、日本夾嘅公仔畀Fans，冧到暈呀！
姜Admin寵粉是常識，但姜濤嘅金句永遠都係重中之重，想知「寵粉冠軍」點樣「突擊鼓勵」應屆DSE考生？到底點處理Fans嘅信？睇現場實況就知啦！
