【Viu】睇咗一個星期，各位觀眾係咪覺得ViuTV原創劇《IT狗2.0》超爆超精彩呢？就等幕後主腦簡君晋帶領Hanna陳漢娜同Yoshi余逸思同大家深入淺出探討吓劇情，Hanna仲爆劇中每一個角色都有簡導嘅影子，尤其係凌文龍飾演嘅葉念信，嗰種「8+1」絕對係同簡導如出一轍咁話！
至於Yoshi飾演嘅「女B」喺今輯會瘋狂展現「戀愛腦」，同現實中嘅自己好相似，佢仲自爆經常同AI傾偈，笑到簡導同Hanna有腹肌呀！
既然劇集反應咁好，簡導都話好想原班人馬再合作，Hanna即刻提議拍《慳錢家族》之類嘅喜劇，仲因而啟發簡導想拍賀歲片添！想了解《IT狗2.0》嘅創作過程就睇訪問啦！
