【Viu】Hanna陳漢娜最近忙拍港版《社內相親》，預告仲爭一日就完成拍攝，今日出席活動遇上「暗戀對象」Brian陳安立，大讚Brian係劇中最fit cast，不過就唔包括渣男特徵！
Brian就笑話初見Hanna覺得係冷艷型，一度唔敢傾偈，講到最大挑戰，佢話一定就係要當眾打「教主」Anson Lo，仲要喺當住一班神徒面前，即刻淆晒底，最後要出動食物嚟「賄賂」，搞笑求神徒網開一面！呢個時候Hanna自爆「我仲大鑊」，事關佢同Anson Lo有連場錫錫戲，認超大壓力，又開玩笑話應該會好快收到刀片！足本訪問片有啦！
