【Viu】 繼《Mr. Stranger》同《King Kong》兩首強勁快歌之後，教主Anson Lo今年第三首派台歌一轉風格，為大家帶嚟一首慢板情歌《永順街39號》。除咗請到Wyman黃偉文填詞，仲再次搵嚟Hanna陳漢娜擔任MV女主角。雖然喺MV入面教主同Hanna，有唔少sweet sweet鏡頭，不過故事內容其實係講一段關於初戀嘅分手故事。而除咗Hanna之外，教主仲有另一位對手， 就係狗仔忌廉喇！大家見到忌廉同教主kiss kiss係咪好羨慕呢？雖然拍攝期間都有發生小插曲，不過教主都俾忌廉融化，大讚佢好叻仔啊！
