【Viu】MIRROR成員Tiger邱傲然、COLLAR成員Day許軼、Brian@24herbs同「葵芳」Kay蔡蕙琪等今日出席時裝活動，平時比較寡言嘅Tiger對住怕醜嘅師妹Day，秒變「說話擔當」，仲好識做咁話想同Day合作，如果有機會出返首方力申鄧麗欣式嘅合唱歌都唔錯㗎，果然係「老靈魂」呀！至於Day就話想同MIRROR師兄齊齊拍校園劇，好似台劇《麻辣鮮師》咁就好玩喇，曾經話「全隊MIRROR過多幾年都30歲」嘅Tiger，拍心口話自己仲夠膽著校服，仲話最想睇「大哥哥」Lokman同Frankie扮學生添，鬼馬喇你！再講到Tiger喺新團歌《ATTENTION》中化身AI老虎，虎仔繼續風趣回應，咁幽默得唔得㗎？
此外，Brian大讚「葵芳」Kay好Dope，但未至於要著三條褲，又讚對方識食，之前拍飲食節目介紹嘅美食都Dope！Brian又笑談Fatboy@ERROR點樣可以變郭富城，以及想同柯煒林打茄輪一事，想笑餐飽就睇足本訪問啦！
