【Viu】Will柯煒林、Alice許寶恆、Martin王智騫、Hazel林熙彤今日現身美妝活動。Will驚爆小學「偷」媽媽香水送心儀女同學，可惜「示愛」失敗。講到好多人許願佢孖Stanley@MIRROR拍BL劇，Will大表興奮，更公開爭取投資者添！另外，《大濛》喺香港上映2星期，惜場次唔多，但牙Will話唔失望，佢仲找數，請之前自費去台灣睇《大濛》嘅fans返嚟香港再睇，男神真有愛！
Alice月初去峇里旅行晒女神級別白色比堅尼，靚爆！佢話大個女試新嘢呀！咁繼續啦！Hazel、Martin都話噴香水要睇心情，仲會隨身攜帶香水打完邊爐補噴，好有偶包呀！Martin仲話屋企有4、50支香水添！快啲睇足本訪問啦！
