【Viu】簡君晋導演、凌文龍、Hana陳漢娜、岑珈其、Peter陳湛文、Yoshi余逸思同李靖筠今日出席《IT狗2.0》記者會，同現場觀眾玩遊戲送禮物，仲互爆拍攝趣事添，首當其衝嘅一定係珈其喇！小龍話同珈其對戲不斷「焗蟹」，事關對方經常整色整水，加埋招牌藐嘴藐舌表情，真心難頂！Hana就爆小龍同珈其一樣Kam，其中一場唱歌戲仲唱到招牌都自然墮落，呢啲咪「天籟之音」囉！
至於「男B」Peter同「女B」Yoshi喺今集感情昇華，Yoshi仲自爆有「愛情動作戲」；而「阿信」小龍同「蒙玲」嘅關係都會更進一步，同樣有「愛情．動作戲」，係咪好期待呢？
而簡導亦加入「珈其爆料群組」，笑指珈其成日喺每場戲嘅尾段加戲，搞到場面一發不可收拾，仲踢爆珈其有一日請全劇組食龍蝦萬歲，搞Gag話《IT狗3.0》開唔開得成就要睇呢位「金主爸爸」喇！
