【Viu】《林曉培心動座標演唱會 — 香港站》前晚（4日）喺伊館舉行，Shino以一頭金色短髮襯黑裙現身，仲玩現場換外套，Rock住唱咗多首金曲後，觀眾最期待嘅畫面終於出現啦！嘉賓鄭秀文出場同Shino合唱《娃娃看天下》，全場反應熱烈到震呀！
喺介紹Sammi出場前，Shino話做人永遠要相信盼望嘅能力，要勇敢盼望，勇敢許願，又話：「娃娃愛天下，娃娃怎麼會愛天下，那是因為娃娃先看到了天下！」然後佢口窒窒咁形容得知Sammi合嚟同真係見到佢時嘅反應：「我害怕被騙，我看到她還腿軟，蹲在電梯旁邊，後來才振作起來！」音樂響起，Sammi出場，認真地唱《娃娃看天下》，Shino就緊張到唱甩歌詞，又不停掩嘴，最後仲扮頭暈，唱咗半首歌，Sammi話一個月前睇訪問知道Shina想邀請佢，覺得好感動，因為好少人會咁公開邀請，惹觀眾堂大笑！Shino就問大家「超級高興」廣東話點講？同Sammi一齊問觀眾後，大家都認同係「大癲」！Sammi話因為近日鼻竇炎發作，所以只可以唱到半首，但知道Shino好耐有嚟香港演出，都真心想嚟支持！
喺二人落台前，Shino話：「還有高手前輩也來了，我何德何能呀？！紅色跑車開出來大家要冷靜一點！」之後Joey Tang rock爆獻唱《紅色跑車》，唱畢，Shino換了一身白衫短牛仔褲上台興奮獻唱《娃娃愛天下》，博得全場掌聲雷動，快啲睇現場實況啦！
