【2025年6月28日】亞洲天王周董周杰倫一連3場香港站巡唱，今晚嚟到第2場，繼續唱爆啟德主場館！日本男神山下智久現身做嘉賓，全場High爆，佢仲晒盡語言天份，日文、國語、廣東話都講晒！
周董介紹山下智久出場，兩個人分別用日文、國語合唱《等你下課》，期間山P都有唱幾句國語，呢個合作大癲啊！兩位男神唱完歌之後，周董問觀眾有冇覺得好驚喜，之後山P自我介紹，並說：「I'm very very happy, very honor to be here. And Jay, can you teach me some Cantonese？」周董就教山P講「大家好，我係靚仔」，山P跟住講仲講得好好添，周董就解釋意思係指wonderful ! 周董仲教咗句「我真係好靚仔」，好可愛呀！講到二人嘅相識，周董話佢哋係交流紅酒，又話將首次同台送畀香港嘅觀眾！
山P再以英文講話好興奮有今次嘅演出機會，亦唱出佢自己嘅歌《Loveless》，並用國語講：「今天我很高興」、「謝謝大家」，又講廣東話：「多謝大家！」快啲睇片啦！
*片段由讀者提供
