【Viu】歌神張學友昨晚（24日）喺紅館舉行《張學友60+巡迴演唱會香港終章》尾場，64歲嘅學友Cute爆連環派心，仲笑稱：「我都識㗎！幾十歲唔好意思做啫！」
學友喺Talking部份發揮風趣本色，講到今晚係成個巡唱324場嘅最後一晚，佢話心情複雜，「因為聽日就失業，而你哋（指觀眾）就要努力搵錢，因為我好快開下次喇！」當然唔少得招牌一字馬啦，輕鬆呀！
學友又特別多謝媽咪、太太羅美薇同埋兩個女：「我媽咪一直支持我工作，我同佢講聽日失業，佢叫我快啲搵嘢做！仲有太太嘅支持，我呢兩年幾見班樂手同朋友多過見佢！兩個女就喺外國讀書，間唔時先問候我，多謝佢哋，如果唔係我唔識英文，Thank You So Much囉！」搞笑度MAX！當然仲要聽歌神唱《分手總要在雨天》、《一千個傷心的理由》、《我應該》、《餓狼傳說》、《這個冬天不太冷》等金曲啦！
另外，昨晚「細佬」張家輝再嚟嚟撐學友，仲有曾志偉、邱淑貞與老公沈嘉偉、鄧麗欣與男友、余安安、庾澄慶、葉童、鍾鎮濤及狄波拉等，星光熠熠呀，仲唔嗱嗱聲入嚟睇現場實況片！
