【Viu】歌神張學友今晚完成《張學友60+巡迴演唱會香港終章》紅館騷尾場，聽日休息嘅學友堅稱視契爺胡楓為目標唔會退休，不過又冇信心好似修哥咁唱到94歲。學友又沾沾一字馬環節幫佢解決腰患問題，平時喺屋企都做一字馬拉筋。
講到近年Keep住開騷令網民瘋傳學友欠債，佢話真係冇爭人錢，連財仔都冇借過！咁2月15號點同老婆慶祝結婚30周年？學友就話夫婦二人冇乜物欲喇！
重提之前大馬站其中一場因耳水不平衡暈住唱，學友話自己死要面只好繼續，
佢又解釋大家質疑佢健康有問題，更被發現雙手發黃，佢笑稱係拜神裝香嘅緣故。咁四大天王又有冇機會再合體？入嚟聽吓學友點講啦！
此外，學友開騷前下午先喺紅館外誠心拜神，祈求演出順利。佢之後行近同過百fans打招呼、合十致謝，又親手接禮物、花束等，有Fans更拎住寫有「友音繞梁 終章亦是新序曲」打氣橫額以及應援手幅，最後，學友同fans們影大合照，並直豎姆指畀like呢！
