【Viu】Frankie陳瑞輝@MIRROR今日下午演出第三場音樂劇《小男人周記》，不過quick change出現咗小失誤，Frankie因拎錯褲，未能完成當眾除褲露蜘蛛俠底褲一幕，皮皮就喺謝幕時補除喇，可惜只以長褲打底，唉呀！
Frankie受訪話本想謝幕時只着底底回饋觀眾，但怕凍所以放棄，佢又坦言表演冇完美，亦自覺狀態算唔錯，但當聽到導演陳恩碩好評80分，即表示滿意話：「咁俾面！」導演又盛讚Frankie有段5分鐘solo唱歌表現出色。
而喺其中一幕講皮皮飲醉酒坐喺地下唱歌，就爆肚唱咗MIRROR兄弟嘅《IGNITED》「焫焫焫焫焫焫著……」佢又預告餘下14場有機會唱其他歌㗎！想知更多入嚟睇片啦！
