【Viu】Bob林盛斌今日宣布Charmaine許惠菁、Dada王海榛、應昌佑、劉晨芝加入旗下棋人娛樂主持行列，大讚4位新成員好有potential！余迪偉搞笑認「老seafood」，指一早就認識Dada、應昌佑，開心再同老朋友合作，但下一秒就搞笑追問老闆喺抽佣方面係咪大細超，Bob又點答？
Bob唔止有老闆呢個單一身份嘅，世一媒人呢個身份亦眾所周知，所以Dada講到明話要Bob幫手牽紅線，引埋劉晨芝都舉埋手添！最後Bob逐個輪住問擇偶條件，但連早已喺2023年結婚嘅Charmaine都有份許願，莫非同圈外老公感情生變？問到現時嘅婚姻生活，Charmaine則以4字回應。
黎明前愛將、久未露面嘅應昌佑話呢次係主動搵Bob傾合作，現有設計師正職嘅佢，希望有幕前演出機會！原為歌手嘅佢，會唔會叫老闆科水搞演唱會？有冇機會再同衛蘭合作？
另外，由Bob主演嘅馬來西亞賀歲片《媽媽又要嫁》成績衝破400萬馬幣，佢感恩有競爭對手之下都有佳績！講到佢喺花絮入面仲有露臀畫面，遲吓回饋影迷着護士衫之外，再追加多次露臀？今年大女菲菲又有冇帶男朋友返屋企見家長？想知就睇足本訪問啦！
