【Viu】真人版《史迪仔》今日喺主題樂園舉行首映，吸引眾星撐場。Bob林盛斌一家6口接受訪問，16歲大女霏霏早前喺IG宣布同男友分手，呢日佢表現輕鬆，話唔存在邊個飛邊個。老竇Bob就笑稱年少時失戀經驗豐富，而7歲細仔
Jaye
即沾沾話有兩個女朋友仔揀緊喎！巧正呀！講到經濟差，Bob坦言收入少咗，更即場叫仔女們洗少啲錢！
周家怡、鍾雪瑩、梁雍婷、麗英就表現極興奮，家怡話樂園充滿童年回憶，是咪以前成日拍拖勝地？噚晚大結局嘅《哪一天我們會紅》，鍾雪瑩同謝咏欣講咗句：「加油啊，未來影后！」觸動唔少網民淚腺，拍時仍未奪金馬影后嘅鍾雪，就被指神預測，佢話真心多謝大家會紅，前輩家怡姐就爆出9字金句。
湯怡、麥秋成帶埋囡囡「麥QQ」現身，不過QQ今日又熱又怕醜要爸爸抱，講到市道唔好，佢間餅店最近竟喺沙田開分店，夫婦二人即表示有信心，仲話會勤力落舖做生招牌。而米露迪、李昭南同Ash鍾卓穎見到史迪仔即童心爆棚，想睇更多訪問內容，入嚟Loop片啦！
