【Viu】Bobfather林盛斌喺紅館舉行棟篤笑，完騷直落慶功宴，受訪時開心話做到第5位登上紅館開棟篤笑嘅藝人，簡直係夢想成真，所以一升上台見到有咁多人支持自己就忍唔住爆喊！講到Bob喺個騷入面話如果下次申請到開啟德，就一蚊一張飛，係咪堅㗎先？
呢晚嚟支持佢嘅圈中朋友數以百計，Bob抵死笑話個排場勁過佢結婚擺酒！當中更包括大囡霏霏男朋友嘅一家，呢次係咪首次見家長？雙方家長傾咗啲咩？Bob感謝屋企一家大細都支持自己，班仔女仲對佢講咗無限量嘅打氣說話！台上講到仔女嘅偶像係Jaskson Wang、容祖兒，過咗呢場騷，Bob喺仔女心目中嘅地位有冇提升？
另外，Bob最後特別感謝張敬軒一口應承擔任嘉賓，軒公咁有心思送贈靚梳同髮膠，Bob又會唔會堅係留長返頭髮嚟試用呢兩份大禮？到時再拍片畀大家睇？想知就要睇足本訪問啦！
