【Viu】Anson Kong今日出席音樂節記者會，公佈將於4月4日喺亞博演出，同場仲有《新世紀福音戰士》主題曲原唱高橋洋子，AK已經練定日文同偶像打招呼，希望到時可以成功集郵咁話！身為動漫迷嘅AK，講起動漫真係停唔到口㗎，仲話買咗好多卡同玩具已經升晒值，但自己始終「不捨得怎放手」，又公開爭取去「玩具達人」古天樂嘅玩具倉參觀，小編都想跟隊呀！
AK又話其實FING小組都係動漫迷，自己同Lokman、Alton、Frankie年紀相近，所以睇嘅動漫都差不多，反而同Tiger就有少少「代溝」，明嘅！講到FING小組，AK都好想開《W.T.F 3.0》兼且拍小組團綜，但謝絕再玩飛索，反而想齊齊去日本學舞咁話！
此外，AK日前喺活動上自創嘅「八達享通」祝頌語，似乎得到宇宙嘅關照，成功「進佔」該公司嘅社交網站，呢舖仲唔Fat Fat咩！想知AK新年大計點解關歐洲事，睇足本訪問就知啦！
