【Viu】新節目「彩虹」特別專線由「ViuTV一哥」強尼化身「司機」，接送多位星級嘉賓返工放工傾心事，打頭陣嘅貴賓就係Edan@MIRROR啦！Edan一嚟就搞笑話齋睇強尼嘅背脊就以為係「MK巴打」Jer，究竟係邊part似先？
講起「老婆」，兩位男士對眼直頭係發晒光，強尼話當年未攞車牌就已經買定架車，被身邊人形容「墨水未乾」，唔知Edan又係咪咁呢？強尼憶起拍《季前賽》嗰陣曾經車過Edan返屋企，依家調返轉頭想試吓兒登手車，點知Edan竟然話唔記得有件咁嘅事？
Edan自認係模範司機嚟嘅，只係有事見到啲唔守規則嘅司機，就會不自覺咁做一件事！咁如果畀佢排名，MIRROR團中最模範司機係邊三甲？至於數到團中最燥、最唔穩陣司機，分別就係AK、Jer，原因就等Edan親自解說啦！
對有幸加盟韓劇《模範的士3》劇組，兒登高呼好榮幸，雖然只係參與得一集拍攝，但足以令佢留下難忘嘅回憶！而佢又透露最近再有快閃韓國，孖男女主角李帝勳、表藝珍宣傳，當中有發生咩趣事？
至於講到同強尼嘅deep talk，Edan指由《造星》後都冇同台合作過，唔怕大哥尖銳問題！強尼笑話Edan喺7年嚟變化最大就係髮型，唔知兒登有冇興趣復刻返當時個參賽look？嚟緊兩位有冇合作機會？一齊拍BL劇又有冇得諗？想知就要去片啦！
