【Viu】《新城台慶Music Fantasia音樂會2023》今晚喺會展舉行，適逢Gin Lee正日生日，大會送上生日卡同鮮花祝賀，仲獲全場觀眾齊齊祝Gin生日快樂，又打造燈海陪佢唱新歌《企定》，令佢感動到爆呀！
除咗觀眾夠熱情外，林家謙都盡展暖男本色，祝同樣喺處女座嘅Gin Lee生日快樂。獻唱《一人之境》期間，家謙仲發揮鬼馬本色，加咗啲尹光feel尾音，玩串AI《一人之境》，笑cry呀！最後Gin Lee、家謙同Jay Fung三大靚聲之人合唱《聽風》、《時光倒流一句話》、《人間鬍子》同《尋找白金漢》，聽出耳油！
